Konkou 2026
Konkou Tèks ak Videyo — Sa k Fè Ayisyen Espesyal
Atravè konkou sa a, nou envite jèn yo pataje sa ki fè yo fyète kòm Ayisyen.
“Sa k fè nou espesyal la, nan chak grenn nan nou. Nan jan nou pale, jan nou kanpe, jan nou renmen.”
Konkou a se yon espas pou jèn yo di sa yo santi, pataje istwa yo epi mete limyè sou richès kilti n.
Pran lapawòl. Pataje lide w.
Ekri yon tèks ant (75-100 mo) epi fè yon videyo (ki pa depase 1 minit) pou di sa k fè n inik kòm Ayisyen.
Redaksyon (Tèks)
Yon tèks orijinal an kreyòl (75–100 mo).
Videyo
Yon videyo vètikal maksimòm 1 minit an kreyòl.
Soumèt travay ou atravè fòm anliy nan. Pou videyo, ou ka voye yo sou WhatsApp fasil.
Kalandriye
28 Jiyè
Lansman
28 Jiyè – 8 Out
Peryòd soumisyon
12 – 17 Out
Ouvèti vòt piblik
20 Out
Rezilta final
Pri
1ye Pri
40,000 Goud
2yèm Pri
20,000 Goud
3yèm Pri
10,000 Goud
Fon prim yo se yon konbit sitwayen: ansyen manm kominote Impact Hub Pòtoprens ak KayTita mete ansanm pou ofri yo.
Kijan nòt yo mache
Konpetisyon an ap jije kreyativite, orijinalite ak pwofondè. Jiri a konte pou 60% nòt la, epi vòt popilè sou rezo sosyal konte pou 40%. Moun ki fè plis vòt sou rezo yo otomatikman resevwa 40%, epi pousantaj lòt patisipan yo kalkile apati kantite like yo.
Egzanp
Si moun ki gen plis like fè 1000 vòt, li fè 40%. Si dezyèm nan fè 500 vòt (mwatye), l ap fè 20%.
Kritè jijman an detay
Pou Redaksyon (100 pwen)
- Respè tèm nan30 pwen
- Kreyativite ak orijinalite20 pwen
- Òganizasyon ak klète15 pwen
- Kalite langaj ak ekriti15 pwen
- Enpak mesaj la20 pwen
Pou Videyo (100 pwen)
- Respè tèm nan30 pwen
- Kreyativite ak orijinalite15 pwen
- Kalite prezantasyon20 pwen
- Kalite teknik10 pwen
- Enpak ak emosyon25 pwen
Règ konkou
- 1Lide a dwe orijinal e soti nan tèt pa w.
- 2Ou pa dwe itilize entèlijans atifisyèl nan kreyasyon videyo, tèks oswa okenn lòt pati nan pwodiksyon an.
- 3Videyo pa dwe depase 1 minit (60 segond).
- 4Videyo a dwe klè epi filme an mòd vètikal.
- 5Ou ka kanpe, mache oswa chita nan videyo a — itilize kreyativite w.
- 6Videyo a dwe montre pati anlè kò w, pa tout kò a.
- 7Tèks ak videyo yo dwe an kreyòl.
- 8Tèks la dwe gen ant 75 ak 100 mo.
- 9Rad ou dwe ale ak mesaj w ap pase a.
- 10Vòt jiri konte pou 60%, vòt piblik pou 40%.
- 11Se kontni videyo a n ap jije, men fòk ou ka wè epi tande l klè.
- 12Apati de 20 soumisyon, nou pap resevwa aplikasyon ankò.
- 13Non respè règ yo ka lakoz diskalifikasyon.
Aspè legal
Nou garanti pwoteksyon minè yo. Nou pap itilize imaj adolesan yo nan okenn lòt objektif ke pou konkou sa a.
Mèsi
Konkou sa a posib gras a sipò finansye chak grenn moun sa yo.